Аршанская бітва ў малюнках дзяцей (фота)
Вечарам 12 верасня ў Мінску, у сядзібе Партыі БНФ адкрылася дзіцяча-юнацкая мастацкая выстава «Слава Воршы!», прысвечаная 500-годдзю вялікай перамогі ў Аршанскай бітве.
Вітаўт Купава «Аршанскі князь»
Яраслава Аляксандрава «На магіле рыцара»
Антось Харлап «Вільня. Замак Гедыміна»
Кастусь Пахомчык «Аршанская харугва»
Дар’я Паляк «За свабоду»
Вітаўт Купава «Бітва под Воршай»
Дар’я Паляк «Пачатак бою»
Арцём Барздаў «Чакаем войска К.Астрожскага ў Менску»
Леанід і Арцём Барздавы «Загад Астрожскага»
Сяргей Мядзведзеў «Супраць маскоўскай навалы»
Вітаўт Купава «Гетман Астрожскі. 8 верасня 1514 г. пад Воршай»
Выступае Мікола Купава
Яраслава Аляксандрава і Антось Харлап
Спяваюць Таццяна Матафонава, Адась Матафонаў і Тамаш Сідаровіч
У экспазіцыі — малюнкі і жывасіныя працы юных мастакоў з горада Барань (Аршанскі раён, што на Віцебшчыне), гарадскога пасёлка Бягомль (Докшыцкі раён Віцебскай вобласці), Мінска і Оршы.
Прычым, самыя юныя ўдзельнікі выставы — шасцігадовыя мінчукі Яраслава Аляксандрава і Антось Харлап.
Удельнікаў выставы і іх бацькоў віталі вядомы беларускі мастак і грамадскі дзяяч, куратар выставы Мікола Купава, старшыня Партыі БНФ Аляксей Янукевіч, паэт Генадзь Тумаш, а таксама музыкі.
Аляксей Янукевіч падкрэсліў, што, нягледзячы на пазіцыю ўладаў, якія замоўчваюць слаўную перамогу пад Воршай, памяць пра гэтую вялікую падзею жыве ў беларускім грамадстве, працягвае натхняць яго
і надаваць беларусам мужнасці, бо тыя выклікі, што перажыла Бацькаўшчына 500 гадоў таму, застаюцца актуальнымі і сёння.
Мікола Купава паведаміў, што 23 кастрычніка ў сталічным Палацы мастацтва адкрыецца выстава сябраў Беларускага саюзу мастакоў і адбудзецца канцэрт майстроў мастацтва, прысвечаныя юбілею Аршанскай
бітвы.
Генадзь Тумаш прачытаў свой верш «Пагонічы», а вакальнае трыё — салістка Белдзяржфілармоніі Таццяна Матафонава, яе сын Адась (гітара) і Тамаш Сідаровіч (скрыпка)
выканалі творы ў гонар Аршанскай бітвы. Затым Таццяна Матафонава праспявала «Пагоню» на словы Максіма Багдановіча, «Вільню» на словы Сяржука Сокалава-Воюша,
«Авэ Марыю» на словы Зянона Пазьняка. Свой выступ вядомая спявачка завяршыла знакамітым паланезам Міхала Клеофаса Агінскага «Развітанне з Радзімай» на словы
Сяржука Сокала-Воюша.