КДБ затрымаў больш за 20 падазраваных у падпале дома Алега Гайдукевіча

КДБ затрымаў падазраваных у падпале дома дэпутата Палаты прадстаўнікоў Нацыянальнага сходу Алега Гайдукевіча, паведамляюць naviny.online са спасылкай на тэлеканал СТБ.


«Падчас правядзення аператыўна-вышуковых мерапрыемстваў было ўстаноўлена, што Вайцяховічы плануюць некалькі тэрарыстычных нападаў. У якасці патэнцыйных ахвяр разглядаліся дэпутат Палаты прадстаўнікоў Нацыянальнага сходу Алег Гайдукевіч, вядучыя дзяржаўных тэлеканалаў, былыя і дзеючыя супрацоўнікі праваахоўных органаў, а таксама суддзі. У якасці магчымых спосабаў учынення тэрактаў яны разглядалі знішчэнне маёмасці пералічаных асоб шляхам падпалу альбо іх выкраданне і катаванні з мэтай запісу так званых "пакаянных відэа"», — распавёў намеснік начальніка следчага ўпраўлення КДБ Канстанцін Бычак.

Паводле яго слоў, меліся даныя, што да супрацьпраўнай дзейнасці, акрамя сямейства Вайцяховічаў, маюць дачыненне і іншыя асобы, якія на той момант не былі ўсталяваныя.

Бычак удакладніў, што Вайцяховічы нібыта атрымлівалі буйныя сумы грашовых сродкаў з-за мяжы і не былі ідэйнымі барацьбітамі.

Усяго затрыманыя больш за 20 чалавек.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: