«Кібер-партызаны» сцвярджаюць, што ўзламалі сістэму назірання відэакамер ІЧУ на Акрэсціна (фота)

У сваім тэлеграм-канале «кібер-партызаны» апублікавалі здымкі, меркавана, памяшканняў і навакольнай тэрыторыі ізалятара на завулку Акрэсціна ў Мінску. 

photo1627664465.jpeg

У сваім пасланні «кібер-партызаны» нагадваюць супрацоўнікам МУС, якія прымяняюць гвалт і парушаюць закон, што «вашы ўнутраныя сістэмы ўжо не такія і ўнутраныя і за свае злачынствы вы паўстанеце перад судом у новай Беларусі. Усе будуць устаноўлены — па падраздзяленнях, па хвілінах, па імёнах».


«ІЧУ "Акрэсціна" будзе адным з першых аб'ектаў, сцены якіх абрынуцца ў недалёкай будучыні. Беларускі Асвенцым стане музеем, у якім будуць задакументаваныя ўсе жудасныя злачынствы рэжыму супраць уласнага народа», — пішуць «кібер-партызаны».
Нагадаем, сёння яны заявілі пра ўзлом сервера, на якім захоўваюцца відэазапісы аператыўных дронаў МУС. Сярод апублікаваных хакерамі відэа — адна з акцый на праспекце Пераможцаў у Мінску летась.