Расійскія ваенныя пасля вучэнняў «Захад-2021» пакінулі Беларусь (фота)

Расійскія вайскоўцы, якія прымалі ўдзел у сумесным беларуска-расійскім вучэнні "Захад-2021" на тэрыторыі Беларусі, выбылі да месцаў дыслакацыі, паведамілі ў міністэрстве абароны Беларусі ў панядзелак.

vayar2.jpg


"Вайсковыя эшалоны з расійскімі вайскоўцамі, якія ўдзельнічалі ў сумесным стратэгічным вучэнні ўзброеных сіл Беларусі і Расіі "Захад-2021", выбылі да месцаў дыслакацыі з чыгуначнай станцыі "Брэст-Паўднёвы", — гаворыцца ў паведамленні ваеннага ведамства.

vayar1_1067x800.jpg


Сумеснае стратэгічнае вучэнне (ССУ) узброеных сіл РФ і Беларусі праходзіць раз у два гады ў адпаведнасці з рашэннем, прынятым кіраўнікамі дзвюх дзяржаў. Вучэнне "Захад-2021" з'яўляецца завяршальным этапам сумеснай падрыхтоўкі ўзброеных сіл дзвюх краін у бягучым годзе.

vayar.jpg


У вучэннях "Захад-2021" 10-15 верасня на тэрыторыі Расіі і Беларусі было задзейнічана каля 200 тыс. Вайскоўцаў, каля 80 самалётаў і верталётаў, да 760 адзінак баявой тэхнікі, у тым ліку 290 танкаў, 240 гармат, рэактыўных сістэм залпавага агню і мінамётаў, а таксама да 15 караблёў. Мінабароны РФ паведамляла, што каля 2,5 тыс. расійскіх вайскоўцаў былі перакінутыя ў рамках вучэнняў у Беларусь. 17 верасня ў Мінабароны РФ пацвердзілі планы вярнуць войскі, караблі, авіяцыю на базы пасля вучэнняў "Захад-2021" да сярэдзіны кастрычніка. 
interfax.by, фота: Дзмітрый Лабашоў, Алег Някала, «Ваяр»