«Зрабілі пратэз, магу хадзіць». Як цяпер жыве хлопец, якому летась адарвала ступню на пратэсце

У шпіталі Георгі правёў больш за 50 дзён, было тры аперацыі, піша «Свабода».

sm4.jpg

Летась жыццё 33-гадовага Георгія Сайкоўскага кардынальна змянілася. 10 жніўня ён вяртаўся дадому ў раёне Пушкінскай. Каля яго ног выбухнула светлашумавая граната. У выніку яму ампутавалі ступню да пяткі.

Доўгі час ён мог перасоўвацца толькі на вазку. Восенню 2020-га Георгі з'ехаў у Польшчу на рэабілітацыю. Яму паставілі пратэз, і цяпер ён можа хадзіць. Як змянілася за год жыццё Георгія з-за пратэстаў у Беларусі — у інтэрв'ю Свабоды.

10 жніўня ён апынуўся ў раёне станцыі метро Пушкінская. Акцыю пратэсту там разганялі светлашумавымі гранатамі. Да пад'езда заставалася некалькі хвілін, аднак у яго пад нагамі выбухнула граната.

— Успышка, аглушэнне, дэзарыентацыя. Частка аскепка прыляцела мне ў правую нагу. Да таксоўкі мне дапамаглі дайсці выпадковыя мінакі. Яны давезлі мяне да станцыі хуткай. Я бачыў, што мезенец і другі палец боўтаюцца. Усё было як у тумане. Яшчэ спадзяваўся, што абыдзецца толькі ампутацыяй двух пальцаў, але цяпер ступні няма да пяткі, — кажа Георгі.

sm2.jpg

Мужчыне пасля аперацыі паставілі дыягназ: выбухная траўма, траўматычная ампутацыя дыстальнага аддзела правай ступні.

Пасля Георгію далі 3-ю групу інваліднасці. Ён удзельнічаў у маршах людзей з інваліднасцю.

У шпіталі Георгій правёў больш за 50 дзён, было тры аперацыі. Не зажывалі тканкі — прыйшлося ампутаваць большую частку ступні.

Увосень ён выехаў у Польшчу на рэабілітацыю. Тут ён пачаў наноў хадзіць, я зрабілі пратэз на ногу.

Цяпер ён жыве ў Варшаве, плануе вучыць польскую мову і паступаць ва ўнівэрсітэт па праграме імя Кастуся Каліноўскага.