Цяпер і Польшча. Польскія памежнікі затрымалі 53 мігранты з Беларусі

Польскія памежнікі 20 ліпеня затрымалі дзве групы мігрантаў, якія нелегальна перайшлі беларуска-польскую мяжу.


Каля трох гадзін ночы групу з 49 чалавек (41 мужчына, 2 жанчыны і 6 дзяцей) затрымалі за 100 метраў ад мяжы. Яны прадставіліся грамадзянамі Афганістана, піша REFORM.by.

Праз некалькі гадзін былі затрыманыя чацвёра грамадзян Ірака.

Ні ў каго з мігрантаў не было пры сабе дакументаў. Усіх размясцілі ў цэнтрах для замежнікаў, паведамляе Падляскі аддзел памежнай службы Польшчы.

Нагадаем, Лукашэнка неаднаразова пагражаў краінам ЕС тым, што ён спыніць «ахову ЕС ад мігрантаў», якія ідуць праз Беларусь. У апошнія часы значна (у 26 разоў у параўнанні з усім папярэднім годам) ўзрос паток нелегальных мігрантаў у Літву. Літоўскі бок заяўляе, што афіцыйны Мінск наўпрост спрыяе нелегальнай міграцыі.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: