Дасье ў карыкатурах: Германія пад вадой

Заходняя Еўропа ўжо амаль тыдзень літаральна тоне. Катастрафічныя залевы затапілі вуліцы Германіі, Бельгіі, Нідэрландаў і іншых еўрапейскіх краін. Зразумець усе нюансы катастрофы дапамогуць працы карыкатурыстаў.

Больш за ўсё ад прыроды дасталася Германіі. Рэкі, у тым ліку Рэйн, выйшлі з берагоў, змываючы дамы і аўтамабілі, крышачы масты і дарогі. Некаторыя гарады апынуліся адрэзанымі ад знешняга свету. На малюнку выдання Titanik жыхары спрабуюць выклікаць службу выратавання з дапамогай паведамленняў у бутэльках.
Паводкі настолькі ўзрушылі свядомасць немцаў, што нават тэма пандэміі сышла на другі план. На малюнку выдання Standart бюргер блытае статыстыку заражэнняў Covid-19 і дынаміку росту вады ў Рэйне.
Зрэшты, многія немцы ўмеюць шукаць пазітыў нават у такой цяжкай сітуацыі. Напрыклад, карыкатурыст выдання Toonpoll тым, хто знаходзіцца ў адпачынку, прапануе скарыстацца момантам і адчуць сябе як на курорце.

Катастрофа спарадзіла самыя незвычайныя чуткі і спекуляцыі. Некаторыя жыхары зямель былой ГДР убачылі тут праяву любові нябёсаў да свайго рэгіёну. Сапраўды, усходнія землі Германіі ў адрозненне ад заходніх не пацярпелі ад стыхіі. Зрэшты, аматары такіх тэорый забываюць пра паводкі, якія абрынуліся на экс-ГДР некалькі гадоў таму. Сітуацыя тады была настолькі цяжкая, што карыкатурысты (напрыклад, выдання Die Welt) малявалі як турыстычныя фірмы прадаюць круізныя туры ў тую ж Саксонію.


Абмяркоўваюць некалькі версій катастрафічных наступстваў патопу - па адной з іх, гэта наступства бескантрольнай забудовы поймаў рэк. Таксама медыя звязваюць тое, што адбываецца з глабальным пацяпленнем, прапаноўваючы палітыкам у парламенце заняцца канкрэтнымі рашэннямі ў гэтай сферы. Інакш, як лічыць мастак рэсурсу Toonpoll, у адзін момант у адкрытым моры можа апынуцца і будынак Бундэстагу. Зрэшты, дэпутаты могуць гэтага не заўважыць з-за вечных спрэчак.

Ёсць прагнозы, што цяперашняя паводка можа адбіцца на выніках парламенцкіх выбараў. У 2002 годзе ўвагу СМІ прыцягнула тое, як тагачасны канцлер Герхард Шродэр хадзіў па зруйнаваным паводкай горадзе ў Саксоніі ў гумовых ботах. Гэта ў выніку забяспечыла яму перавыбранне. Нядзіўна, што ўсе цяперашнія кандыдаты ў канцлеры тут жа абуліся ў гумовыя боты.

Так ці інакш, Зялёныя – галоўныя канкурэнты партыі Меркель, дзякуючы катаклізму нечакана зноў павяртаюць сябе шансы на перамогу на восеньскіх выбарах. Цяпер тэма клімату зноў набывае актуальнасць, а правалы ўраду кансерватараў у гэтай вобласці відавочныя. Нядзіўна, што блізкая да эколагаў прэса іранізуе з таго, што раней Ангела Меркель абвясціла сябе «кліматычным канцлерам». Вынік тытанічнай працы кліматычнага канцлера выявіў мастак па мянушцы Erl.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: