У Гаазе пачаўся першы суд па ваенных злачынствах у Косаве

На лаве падсудных — адзін з былых камандзіраў арміі вызвалення Косава Саліх Мустафа, якога абвінавачваюць у забойстве, катаваннях, жорсткім абыходжанні і адвольных арыштах.

Саліх Мустафа адмаўляецца прызнаваць сябе вінаватым у злачынствах

Саліх Мустафа адмаўляецца прызнаваць сябе вінаватым у злачынствах


У Гаазе ў сераду, 15 верасня, пачаўся першы судовы працэс у рамках Спецыяльнага трыбунала для расследавання ваенных злачынстваў, учыненых у 1998-99 гадах падчас вайны за незалежнасць Косава. Абвінавачаны, адзін з былых камандзіраў арміі вызвалення Косава (АОК) Саліх Мустафа, заявіў на судзе, што не прызнае сябе вінаватым ні па адным з пунктаў абвінавачанняў, і назваў абвінаваўцаў гестапаўцамі, паведамляе агенцтва AFP.

Саліху Мустафе ставяць у віну забойства, катаванні, жорсткае абыходжанне, а таксама адвольнае затрыманне прынамсі шасці чалавек падчас вайны ў Косаве. Ён быў арыштаваны больш чым праз 20 гадоў пасля падзей, у якіх яго абвінавачваюць. З восені 2020 года Мустафу ўтрымліваюць у следчым ізалятары ў Гаазе.

Былы камандзір АОК — першы, хто паўстаў перад Спецтрыбуналам па Косаве ў Гаазе. Пракурор Джэк Сміт назваў гэты працэс «важнай вяхой». Усяго па справе аб ваенных злачынствах у Косаве праходзяць абвінавачанымі дзевяць чалавек, у тым ліку экс-прэзідэнт Рэспублікі Хашым Тачы. Падчас узброенага канфлікту, які прывёў у выніку да аддзялення Косава ад Сербіі, былі забітыя каля 13 тысяч чалавек.

Паводле dw.com

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: