У Ісландыі жанчынам не ўдалося заваяваць большасці ў парламенце

Насуперак першым прагнозам доля жанчын у парламенце Ісландыі будзе ніжэй за 50 працэнтаў, паведаміў ЦВК. Раней паведамлялася, што Ісландыя стане першай у Еўропе краінай, дзе жанчын у парламенце больш, чым мужчын.

У Ісландыі, насуперак першым прагнозам, жанчыны ў парламенце новага склікання не будуць колькасна пераўзыходзіць мужчын. Па выніках новага падліку, доля жанчын у парламенце будзе ніжэй за 50 працэнтаў, паведаміла цэнтральная выбарчая камісія краіны позна ўвечары ў нядзелю, 26 верасня. Раней было абвешчана, што Ісландыя стане першай краінай у Еўропе, дзе жанчын у парламенце больш, чым мужчын.
Пасля новага падліку галасоў жанчыны пазбавіліся трох месцаў, якія першапачаткова былі ім прыпісаны. У выніку колькасць жанчын у парламенце знізілася з 33 да 30, што адпавядае 47,6 адсотка, растлумачылі ў ЦВК. Раней, паводле неафіцыйных папярэдніх вынікаў, было абвешчана, што жанчыны атрымаюць 33 з 63 месцаў у парламенце Ісландыі.

Лідар па раўнапраўі

Ні ў адной з краін Еўропы жанчыны не маюць у парламенце большасці. На другім месцы пасля Ісландыі па долі жанчын ідзе Швецыя (47 адсоткаў). У Ісландыі не ўстаноўлена квоты для жанчын у заканадаўчым органе, у той жа час гэтая краіна ўжо доўгі час знаходзіцца ў авангардзе барацьбы за раўнапраўе і правы жанчын.
Ужо на працягу 12 гадоў Ісландыя лідзіруе па раўнапраўя ў спісе краін, які складаецца Сусьветным эканамічным форумам. У 1980 годзе Ісландыя стала першай краінай у Паўночнай Атлантыцы, якая абрала прэзідэнтам жанчыну.
dw.com